स्थानिय तहका समस्या पहिचान गर्दै प्रदेश लोक सेवा आयोग

माधव बेल्वासे
कपिलवस्तु चन्द्रौटा,८ माघ
प्रदेश न ५ को प्रदेश लोक सेवा आयोगले स्थानिय तहका जनप्रतिनिधि तथा कर्मचारीहरुका समस्याहरु पहिचानको लागि जिल्ला जिल्लामा अन्तरक्रिया कार्यक्रम सुरु गरेको छ । स्थानिय तहमा कार्यरत कर्मचारीहरुको सुझाव सहित सेवा प्रवाहमा गुणस्तरीय ल्याउन यस अभियानलाई तिव्रता दिएको छ । कपिलवस्तुका जनप्रतिनिधि तथा कर्मचारीहरु सग अन्तरक्रिया गर्दै प्रदेश लोक सेवा आयोगका अध्यक्ष डिलाराम भट्टराईले स्थानिय तहका पदाधिकारी र कर्मचारीको सुझाबको आधारमा आयोगको काम अघि बढ्ने प्रतिवद्धता जनाउनुभयो ।
आयोग पाठ्यक्रम बनाउने तयारीमा लागेको भन्दै यसमा कुनै संका नगर्न आग्रह गर्नुभयो । प्रदेशका १२ वटै जिल्लामा कर्मचारीहरुको अभाव रहेको भन्दै भयरहित तवरवाट कर्मचारी छटोन गर्ने विश्वास दिलाउनुभयो । पदाधिकारीका सुझाव अयोगलाई अनिवार्य रहेको भन्दै नवलपरासी,रुपन्देही कपिलवस्तु सकिएकोले अब अन्य जिल्लाका सुझाव लिने अध्यक्ष भट्टराईले बताउनुभयो । उहाँले उपयुक्त जनशक्ति आपूर्ति गरी सेवा प्रवाहलाई प्रभावकारी बनाउदै समृद्ध प्रदेश सुखी जनता भन्ने प्रदेशको चाहनालाई पुरा गर्ने बताउनुभयो । कपिलवस्तुको जिल्ला समन्वय समितिमा भएको कार्यक्रममा स्थानिय तहका कर्मचारीहरुले पाठ्यक्रमको भाषा परिबर्तन गर्नुपर्ने,विषय विज्ञहरु प्रदेश बाहिर वाट ल्याउनुपर्ने,दरबन्दी मिलाउदा स्थानिय तह सग सहकार्य गर्नुपर्ने लगाएतका सुझाब दिएका थिए । प्रशासनका कर्मचारी प्रविधिक कर्मचारीहरुलाई एक अर्काको थारै पनि ज्ञान नहुँदा तालमेलमा समस्या भइरहेको गुनासो गरेका छन् ।
शिवराज नगरपालिकाका नगरप्रमुख नेत्रराज अधिकारीले आवश्यक कर्मचारी नहुँदा स्थानिय तहमा समस्या हुँदै आएको बताउनुभएको छ । “मेरो नगरपालिकामा प्रविधिक कर्मचारी आवश्यक छ,तर अन्य कर्मचारी धेरै छन यसमा लोक सेवा आयोगले ध्यान दिनुपर्छ”– उहाँले भन्नुभयो । शुद्धोधन गाउँपालिकाका अध्यक्ष निशार अहमद खाँले कर्मचारी ल्याउन राजनिति पहुँच लगाउनु परेको बताउनुभयो । प्रदेश सरकार तथा आयोगले आफ्नो प्रदेशका कर्मचारीहरु लाई पठाउनुपर्नेमा संघिय मन्त्रीको पहुँच लगाउनुपर्ने बाध्यता अहिलसम्म यथावत् रहेको जिकिर गर्नुभयो । कतिपय स्थानिय तहमा कर्मचारी धेरै वर्ष सम्म एक ठाउँ बस्दा समेत समस्या हुने गरेको बताउनुभयो । एउटा कार्यालयमा कति समय बस्न पाउने भन्ने निश्चित हुुनुपर्ने उहाँले जनाउनुभयो । प्रदेश लोक सेवा आयोगका सचिव सुर्यप्रसाद भुसालले विभिन्न समयमा सेवाग्राहीको सन्तुष्टि सर्वेक्षण गर्दा सेवा प्रवाहमा सहज हुने बताउनुभयो । स्थानिय तहमा स्वीकृत दरवन्दी मध्ये पदपुर्ति हुन वाकी रहेका सेवा समूह उपसमूह र तहका पदहरुको विवरण प्रदेश लोक सेवा आयोगलाई निर्धारित समयमा उपलव्ध गराउन आग्रह गर्नुभयो ।

प्रतिक्रिया

रोचक

सबै
थारु भाषाको “दिल जिगर तुहि धडकन” अडियो म्युजिक सार्वजनिक ।।
माघ १४, २०७६

राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…

Recent Posts

TOP