विजयनगरमा जारी दोस्रो अध्यक्षकप फुटबल प्रतियोगीताको आजको खेलमा नमुना ज्योति युवा क्लब र शसस्त्र प्रहरीबल ५ नम्बर बाहिनी रुपन्देही विजयी ।।

विजयनगर, प्रभात न्यौपाने
२०७६ फागुन ०६ गते,
विजयनगर गाउँपालिकाको सहयोग र श्रीजनशिल युवा क्लबको आयोजनामा विजयनगर गाउँपालिकाको शंकरपुर खेलमैदानमा जारी दोस्रो अध्यक्षकप फुटबल प्रतियोगीतामा पाचौ दिनको दोस्रो राउण्डको आजको खेल सकिएको छ । आज ४ टिमबिच प्रतिस्प्रर्धा भएको थियो ।

आजको पहिलो खेल नमुना ज्योति युवा क्लब हल्लानगर र ब्वायज युनाइटेड क्लब नौडिहवा बिच भएको थियो । अत्यन्तै प्रतिस्प्रर्धात्मक भएको खेल नमुना ज्योति युवा क्लबले ब्वायज युनाइटेड क्लबलाई ३–२ गोल अन्तरले पछी पार्दै जित शुरक्षित गरेको हो ।

आजै भएको अर्काे खेल भने शसस्त्र प्रहरीबल ५ नम्बर बाहिनी रुपन्देही र सुर्यमुखी युवा क्लब बिजगौरीबिच प्रतिस्प्रर्धा बिच भएको थियो । निकै उत्कृष्ट खेल प्रस्तुत गरेको शसस्त्र प्रहरीबल ५ नम्बर बाहिनी रुपन्देही ४)१ गोल अन्तरले विजयी भएको छ । आफ्नो टिमलाई विजयी बनाउने क्रममा शसस्त्र प्रहरीबलका खेलाडी सुदिप राईले ३ गोल गर्दै ह्याट्रीक गरेका थिए ।