दिपक के.सी.
कपिलवस्तु फागुन १८ 
कपिलवस्तुको शिवराजनगरपालिकामा यहि फागुन ११ गते बाट सुरु भएको नगर खेल महोत्सव आइतबार सम्पन्न भएको छ । ९ दिन सम्म जारी खेल महोत्सवमा विभिन्न ५० खेलमा प्रतिस्पर्धा भएको थियो । आइतबार भव्य समारोहका विच महोत्सवको समापन गरिएको हो ।
समापन समारोहमा बोल्दै नगर प्रमुख नेत्रराज अधिकारीले खेलकुदले मानवलाई स्वस्थ बनाउनुका साथै विभिन्न कुलतमा लाग्नबाट समेत युवाहरुलाई बचाउने बताए । खेल जगतमा पछिल्लो क्रममा नगरका खेलाडीले राष्ट्रिय तथा अन्तराष्ट्रिय क्षेत्रमा समेत पदक जितेर नगरको गरिमा बढाएको बताए । खेलकुदले शारिरिक मानसिक र सामाजिक रुपमा सर्वाङ्गीण विकासमा समेत टेवा पुग्ने मेयर अधिकारीले जनाए । नगरले विभिन्न खेलकुदका शिर्षकमा छुट्याइएको बजेटबाट नगरमा रहेका खेलाडीहरुलाई प्रोत्साहन गरेको समेत उनले बताए ।
खेल महोत्सवको समापनमा जनप्रतिनिधी र कर्मचारी विच मैत्रीपूर्ण फुटबल प्रतियोगिता समेत सम्पन्न भएको छ । नगरपालिकाका कर्मचारी र जनप्रतिनिधी विच भएको मैत्री पूर्ण खेलमा कर्मचारीले जनप्रतिनिधीलाई ० का विरुद्ध ७ गोल गर्दै कर्मचारीको टिम विजयी भएको छ । उमेरले पाका जनप्रतिनिधी भर्खरका लक्का जवान कर्मचारीका अगाडी धेरै बेर टिक्न सकेनन । खेलको पहिलो हाफमा नै ४ गोल खाएका जनप्रतिनिधीले खेलाडी घुसपैठ गरे पनि आफ्नो खातामा गोल जोड्न सकेनन । ६५ बर्षे नगर प्रमुख अधिकारी खेल सुरु भएको पहिलो हाफमा कर्मचारीका विरुद्ध सारै खनिए पनि दोस्रो हाफमा भने थकित मुद्रामा मैदानबाट बाहिरीएका थिए । मेयर खेलबाट बाहिरीए संगै प्रमुख प्रशासकिय अधिकृत शेषकान्त पौडेल पनि खेलबाट बाहिरीएका थिए । पहिलो हाफमा जोस्सिएका पौडेल पहिलो हाफ सकिदाँ नसकिदै जनप्रतिनिधीलाई ४ गोल बोकाउदै खेलबाट बाहिरिएका थिए ।
नगर खेल महोत्सवमा विद्यालय स्तरिय राष्ट्रपति रनिङ्ग शिल्ड, मेयर कप र उप मेयर कप शिर्षकमा विभिन्न खेलहरु खेलाइएको नगर खेलकुद विकास समितिका अध्यक्ष नेत्र वेल्वासेले बताए । राष्ट्रपति रनिङ्ग शिल्डको उपाधी नेपाल आदर्श माध्यमिक विद्यालय शिवपुरले जितेको छ । रनिङ्ग शिल्ड थर्फ दोस्रो समयथान माध्यमिक विद्यालय खरेन्द्रपुर, तेस्रो प्रकाश माध्यमिक विद्यालय सुन्दरी डाडाँ भएको खेल संयोजक बेल्वासेले जानकारी दिए ।
नगरका ११ विद्यालयको सहभागिता रहेको रनिङ्ग शिल्डमा प्रथम हुने विद्यालय नेपाल आदर्श मा.वि.लाई नगद ११ हजार शिल्ड मेडल र प्रमाण पत्र , दोस्रो समयथान माविलाई नगद ७ हजार मेडल र प्रमाण पत्र, तेस्रो स्थान प्राप्त गर्ने प्रकाश मावि लाई मेडल र प्रमाण पत्र प्रदान छ । यस्तै मेयर कप तर्फ फुटबल खेलमा गोल्डेन स्टार युवा क्लब बानियाँभार प्रथम भएको छ भने शिवशक्ति युवा क्लब उप विजेता भएको छ । मेयर कप तर्फ नै क्रिकेट र भलिबल प्रतियोगितामा क्रमश राजिङ्ग स्टार युवा क्लब चन्द्रौटा , भलिवलको उपविजेतामा न्यू शिवपुर युवा क्लब भएको छ । उप मेयर कप तर्फको फुटबल प्रतियोगितामा जयबुद्ध युवा क्लब विजेता र गोल्डेन स्टार युवा क्लब उप विजेता भएको छ । महिला फुटबल प्रतियोगितामा जयबुद्ध युवा क्लब नै विजयी भएको छ । मेयर र उपमेयर कपमा फुटबल तर्र्फ प्रथम हुने टिमलाई नगद २५ हजार ,क्रिकेट तर्फ १५ नगद शिल्ड प्रमाण पत्र प्रदान गरिएको शिक्षा शाखा प्रमुख लोकराज पन्थीले बताए ।
कुल ९ लाख बजेट रहेको नगर खेल महोत्सवमा ८ सय जना खेलाडी सहभागि भएका थिए । ५० खेलमा प्रतिस्पर्धा भएको नगर खेल महोत्सव भव्य सभ्य र निकै सौहाद्रपूर्ण बाताबरणमा सम्पन्न भएको नगर खेलकुद विकास समितिका अध्यक्ष नेत्र बेल्वासेले बताए ।
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया