खाद्यान्न लगायतका आधारभूत समस्या भए तत्काल खबर गर्न प्रभावितलाई सरकारको आग्रह

काठमाण्डाै – बाढी, पहिरो र डुबान प्रभावितहरुलाई खाद्यान्न लगायतका आधारभूत समस्या भएमा तत्काल खबर गर्न सरकारले आग्रह गरेको छ ।

सङ्घ, प्रदेश र पालिका गरी तीनै तहको सरकारले प्रभावितहरूका लागि हिजोदेखि राहत वितरण गरिरहे पनि पहुँचमा पुग्न नसकेका वा समस्यामा परेकाहरुले  तत्काल खबर गर्न गृह मन्त्रालयले आग्रह गरेको छ ।

अहिले बाढी र पहिरोका कारण धेरै मानिस स्कुल लगायतका सार्वजनिक ठाउँमा आश्रय लिएर बसिरहेका छन् ।

पालिकाको समन्वयमा जिल्ला विपद् व्यवस्थापन समितिले हिजोदेखि त्यसरी बसेकाहरुलाई खाद्यान्न लगायतका सामग्री वितरण गरिरहेको  छ । तर कोही छुटेका भएमा, कसैलाई समस्या भएमा पालिकाको समन्वयमा जिल्ला विपद् व्यवस्थापन समितिमा सम्पर्क गर्न मन्त्रालयका प्रवक्ता फणिन्द्रमणि पोख्रेलले जानकारी दिनुभयो ।

पालिकाहरुले पनि आफ्नै तरिकाले खाद्यान्न लगायतका दैनिक उपभोग्य सामानको व्यवस्थापन गरिरहेको गृह मन्त्रालयका सूचना अधिकारी दिलकुमार तामाङले बताउनुभयो । यस्तै जिल्ला विपद् व्यवस्थापन कोषमार्फत पनि राहत वितरणको काम भइरहेको छ।

जिल्ला विपद् व्यवस्थापन कोषमा राहतका लागि जम्मा भएको रकमले नपुग्ने अवस्था आएमा भने तत्काल गृह मन्त्रालयसँग माग गर्नुपर्ने र गृहले तत्काल रकम उपलब्ध गराउने उहाँले बताउनुभयो।  

रोचक

सबै

• 

  ” #मेरोभरौल” -कविता

  अशोज ७, २०७७

• 

  गर्लफ्रेन्ड भाडामा पाईने देश

  चैत्र ११, २०७६

थारु भाषाको “दिल जिगर तुहि धडकन” अडियो म्युजिक सार्वजनिक ।।

माघ १४, २०७६

राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…