बाढी पहिरो तथा डुबान प्रभावित क्षेत्रमा कोरोनासँगै सरुवा रोगको जोखिम

काठमाण्डाै – बाढी पहिरो तथा डुबान प्रभावित क्षेत्रमा कोरोना भाइरससँगै सरुवा रोगको जोखिम रहेकाले सतर्कता अपनाउन विज्ञले सुझाव दिएका छन् । 

प्रभावित क्षेत्रमा सामूहिक रुपमा बस्ने हुँदा सङ्क्रमणको जोखिम धेरै हुने डाक्टरले बताएका छन् । जनस्वास्थ्यका मापदण्ड पालना हुन नसक्दा कोरोनासँगै झाडापखाला, आउँ, हैजालगायत पानीजन्य रोग फैलने जोखिम हुने स्वास्थ्य मन्त्रालयका प्रवक्ता डाक्टर कृष्णप्रसाद पौडेलले बताउनुभयो ।

दूषित पानी तथा खानाका कारण हुने रोगबाट बच्न, सफा पानी र शौचालयको प्रयोग गर्नुपर्ने डाक्टर पौडेलको सुझाव छ । सकेसम्म उमालेको पानी पिउन र त्यो सम्भव नभए पानीलाई निर्मलीकरण गरेर मात्र पिउन उहाँको आग्रह छ । यस्तै, उहाँले उद्धार गरिएका व्यक्तिलाई राखिने ठाउँमा आवश्यक दूरी कायम गराउन, शौचालय तथा सफा पानीको व्यवस्थापन गर्न सम्बन्धित पालिका र उद्धारमा जुटेकाहरुलाई अनुरोध गर्नु भएको छ । 

पौडेलका अनुसार अहिलेसम्म बाढी पहिरो तथा डुबान प्रभावित क्षेत्रमा कुनै रोग तथा सङ्क्रमण भने देखिएको छैन। तर, जोखिम उच्च रहेकाले आवश्यक सावधानी भने अपनाउनु पर्नेमा उहाँको जोड छ । उहाँका अनुसार रोगको सम्भावित जोखिमलाई मध्यनजर गरेर स्वास्थ्य मन्त्रालयले स्वास्थ्य प्रतिकार्यका लागि प्रदेश र पालिकाहरुका समन्वय थालेको छ । 

कुनै रोग तथा महामारी देखा परेमा उपचार तथा प्रतिकार्यका लागि आवश्यक औषधि तथा स्वास्थ्य सामग्री आवश्यक परेमा तत्काल खबर गर्न पनि उहाँको आग्रह छ । औषधि तथा स्वास्थ्य सामग्री थप आवश्यक पर्ने भएमा तुरुन्त उपलब्ध गराउने उहाँको भनाइ छ । 

अहिलेसम्म पालिका र प्रदेशमा नै औषधि र स्वास्थ्य सामग्री पर्याप्त रहेको जानकारी आएको उहाँले बताउनुभयो ।

रोचक

सबै

• 

  ” #मेरोभरौल” -कविता

  अशोज ७, २०७७

• 

  गर्लफ्रेन्ड भाडामा पाईने देश

  चैत्र ११, २०७६

थारु भाषाको “दिल जिगर तुहि धडकन” अडियो म्युजिक सार्वजनिक ।।

माघ १४, २०७६

राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…