माधव बेल्वासे
चन्द्रौटा,१८ फागुन
कपिलवस्तुको शिवराज नगरपालिकामा संचालन भएको राष्ट्रपति रनिङ्ग शिल्डको उपाधि नेपाल आदर्श माध्यमिक विद्यालय शिवपुरले पाएको छ । रनिङ्ग शिल्ड तर्फ दोस्रो समयथान माध्यमिक विद्यालय खरेन्द्रपुर, तेस्रो प्रकाश माध्यमिक विद्यालय सुन्दरी डाडाँ भएको खेल संयोजक नेत्रप्रसाद बेल्वासेले जानकारी दिनुभयो । नगरका ११ विद्यालयको सहभागिता रहेको रनिङ्ग शिल्डमा प्रथम हुने विद्यालय नेपाल आदर्श मा.वि.लाई नगद ११ हजार शिल्ड मेडल र प्रमाण पत्र , दोस्रो समयथान माविलाई नगद ७ हजार मेडल र प्रमाण पत्र, तेस्रो स्थान प्राप्त गर्ने प्रकाश मावि लाई मेडल र प्रमाण पत्र प्रदान गरिएको छ ।
फागुन ११ गते वाट सुरु भएको खेलकुद महोत्सवमा मेयरकप र उपमेयर कप प्रतियोगिता समेत सम्पन्न भएको छ । मेयर कप तर्फ फुटबल खेलमा गोल्डेन स्टार युवा क्लब बानियाँभार विजेता भएको छ भने शिवशक्ति युवा क्लब उप विजेता भएको छ । मेयर कप तर्फ नै क्रिकेट र भलिबल प्रतियोगितामा राजिङ्ग स्टार युवा क्लब चन्द्रौटा , भलिवलको उपविजेतामा न्यू शिवपुर युवा क्लब बनेको छ ।
उप मेयर कप तर्फको फुटबल प्रतियोगितामा जयबुद्ध युवा क्लब विजेता र गोल्डेन स्टार युवा क्लब उप विजेता भएको छ । महिला फुटबल प्रतियोगितामा जयबुद्ध युवा क्लब नै विजयी भएको छ । मेयर र उपमेयर कपमा फुटबल तर्फ प्रथम हुने टिमलाई नगद २५ हजार रुपैयाँ ,क्रिकेट तर्फ १५ हजार रुपैयाँ नगद शिल्ड प्रमाण पत्र प्रदान गरिएको शिवराज नगरपालिकाका शिक्षा शाखा प्रमुख लोकराज पन्थीले बताउनुभयो । कुल ९ लाख बजेट रहेको नगर खेल महोत्सवमा ८ सय जना खेलाडी सहभागि भएका थिए । ५० खेलमा प्रतिस्पर्धा भएको नगर खेल महोत्सव भव्य सभ्य र निकै सौहाद्रपूर्ण बाताबरणमा सम्पन्न भएको नगर खेलकुद विकास समितिका अध्यक्ष नेत्र बेल्वासेले बताउनुभयो ।
खेल महोत्सवको समापनमा जनप्रतिनिधी र कर्मचारी विच मैत्रीपूर्ण फुटबल प्रतियोगिता समेत सम्पन्न भएको छ । नगरपालिकाका कर्मचारी र जनप्रतिनिधी विच भएको मैत्री पूर्ण खेलमा कर्मचारीले जनप्रतिनिधीलाई ० का विरुद्ध ७ गोल गर्दै कर्मचारीको टिम विजयी भएको छ । खेलको पहिलो हाफमा नै ४ गोल खाएका जनप्रतिनिधीले खेलाडी घुसपैठ गरे पनि आफ्नो खातामा गोल जोड्न सकेनन् । ६५ बर्षिय नगर प्रमुख नेत्रराज अधिकारी खेल सुरु भएको पहिलो हाफमा कर्मचारीका विरुद्ध सारै खनिए पनि दोस्रो हाफमा भने थकित मुद्रामा मैदानबाट बाहिरीएका थिए । मेयर खेलबाट बाहिरीए संगै प्रमुख प्रशासकिय अधिकृत शेषकान्त पौडेल पनि खेलबाट बाहिरीएका थिए ।
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया