–कपिलवस्तुको सिद्धार्थ क्याम्पसका विद्यार्थीहरुले स्ववियु सभापति सुशिल खत्री बिरुद्ध आन्दोलित बनेका छन् । सभापतिले गरेका प्रतिबद्धताहरु पूरा नगरेको भन्दै विद्यार्थीहरुले आन्दोलित बनेका हुन । आन्दोलनमा स्ववियु सभापति क्याम्पस नआउने, विद्यार्थीहरुका गुनासो नसुन्ने, स्ववियुको कार्यालय पनि कहिल्यै नखुल्ने जस्ता कुराहरु समाबेस गर्दै स्ववियु सभापतिको राजिनामा माग गरेका थिए । संयुक्त विद्यार्थीहरुले विभिन्न माग राख्दै ७ बुदे माग पत्र स्ववियु सभापति समक्ष पेश गरिएको थियो ।
आन्दोलन शान्तिपूर्ण तरिकाले सम्पन्न भए पनि सहायक क्याम्पस प्रमुख बेदुराम अर्यालले विद्यार्थीहरु समक्ष आफ्नो कुरा राख्न नदिएको र स्ववियु सभापतिको बचाउ गरेको भन्दै संयुक्त विद्यार्थीहरुले क्याम्पस प्रशासन मुर्दावाद, राजनैतिक कार्यकर्ता शिक्षक राजिनामा दे भन्दै आन्दोलन चर्काएका थिए । सोमवार क्याम्पस प्रशासन समक्ष विभिन्न समस्याहरुको समाधानको माग राख्दै माग पत्र बुझाउने कार्यक्रम रहेको संयुक्त विद्यार्थी आन्दोलनको नेतृत्वकर्ता पुष्कर भुसालले जानकारी दिनुभएको छ ।
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया