सीमानाकामा प्रहरीको कडाइ

बैतडी : तिहारलाई मध्यनजर गर्दै प्रहरीले नाकामा कडाइ गरेको छ। यस्तै‚ पटाका आयात र बिक्री तथा जुवातास खेलमा निगरानी बढाएको छ।

जिल्ला प्रहरी कार्यालय  बैतडीका प्रहरी प्रवक्ता प्रहरी निरीक्षक दर्शन खड्काका अनुसार भारतबाट पटका आयात हुने भएकाले सीमानाका झुलाघाटलगायतका क्षेत्रमा चेकजाँचमा कडाइ गरिएको हो। पटाका ओसारपसार, किनबेच र पड्काउने सबैलाई कारवाही गरिने उनले बताए।

चाडपर्वका नाममा रमाइलो गर्दा पटकाको आवाज र आतसवाजीले ध्वनी प्रदूषण हुने, धनजनको क्षति हुने, आतंक फैलिने र स्वास्थ्यमा समेत असर पर्ने भएकाले कडाइ गरिएको प्रहरी निरीक्षक खड्काले बताए। तिहारलाई शान्तिपूर्ण रुपमा सम्पन्न गर्न देउसी-भैली राति अबेरसम्म नखेल्न पनि प्रहरीले आग्रह गरेको छ।

तिहारको समयमा बजार तथा गाउँघरमा खेलिने जुवातासलाई नियन्त्रण गर्ने प्रहरीले अनुगमन बढाएको छ। जुवातास, चोरी‚ लुटपाट नियन्त्रण गर्ने चौबिसै घण्टा गस्ती टोली परिचालन गरिएको प्रहरी निरीक्षक खड्काले जानकारी दिए।

रोचक

सबै

• 

  ” #मेरोभरौल” -कविता

  अशोज ७, २०७७

• 

  गर्लफ्रेन्ड भाडामा पाईने देश

  चैत्र ११, २०७६

थारु भाषाको “दिल जिगर तुहि धडकन” अडियो म्युजिक सार्वजनिक ।।

माघ १४, २०७६

राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…