काठमाण्डाै – अछाम जिल्ला अदालतले छुट्टाछुट्टै बलात्कारका आरोपी २ जनाविरुद्ध कैद सजाय र क्षतिपूर्तिको फैसला सुनाएको छ ।
गएको साउनमा एक महिलालाई बलात्कार गरेको आरोपमा पञ्चदेवल विनायक नगरपालिका वडा नम्बर ६ तोलीका ४० वर्षीय मोहनबहादुर रावललाई ७ वर्ष ६ महिना कैद सजाय अदालतले सुनाएको हो ।
फौसलाअनुसार रावलले दुई लाख ५० हजार रुपैयाँ क्षतिपूर्ति पीडित महिलालाई दिनुपर्ने अदालतका श्रेस्तेदार प्रेम प्रकाश थापाले जानकारी दिनुभयो । रावल नेपाली कांग्रेसको वडा सभापति हुन् ।
पीडित महिलाका श्रीमान् भारतमा रहेको अवस्थामा उनीमाथि बलात्कार भएको जनाइएको छ । यस्तै,१३ वर्षीया बालिकालाई बलात्कार गरेको आरोपमा साँफेबगर नगरपालिका वडा नम्बर ३ का ३९ वर्षीय हिरण्डबहादुर कुँवरलाई ९ वर्ष कैद सजाय सुनाइएको छ ।
साथै कुँवरले पीडित बालिकालाई १० हजार रुपैयाँ क्षतिपूर्ति तिर्नुपर्ने फैसलामा उल्लेख छ ।
गएको भदौमा बालिकालाई बलात्कार गरेको भन्दै पीडितकी आमाले किटानी जाहेरीसहित प्रहरीमा उजुरी दिएकी थिइन् ।
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया