ghanashyam 
काठमाडौं : नेकपा (एमाले)ले आगामी मंसिर १०-१२ गते हुने दशौँ राष्ट्रिय महाधिवेशनका लागि लाग्ने खर्च पार्टीका सङ्गठित सदस्यबाट उठाउने भएको छ।
एमालेले पार्टीका सङ्गठित सदस्यबाट न्यूनतम एक सय लेभी उठाउने भएको हो।
एमाले कार्यालय सचिव शेरबहादुर तामाङले महाधिवेशनमा लाग्ने खर्च पार्टीका सङ्गठित सदस्यबाट न्यूनतम एक सय रूपैयाँका दरले उठाइने जानकारी दिए।
‘महाधिवेशनमा लाग्ने खर्च यसपटक हामीले पार्टीका नेता तथा कार्यकर्ताबाट उठाउने निर्णय गरेका छौं,’ उनले भने, ‘सङ्गठित सदस्यबाट न्यूनतम एक सय रूपैयाँ र स्वेच्छिक एक सयभन्दा बढी जति पनि दिन पाउने गरी सङ्गठित सदस्यबाट पैसा उठाउँछौं।’
एमालेका करिब ७ लाख ३० हजार सङ्गठित सदस्य रहेको बताइएको छ।
पार्टी मातहतका सबै कमिटीलाई सर्कुलर जारी गर्दै बैंकमा पैसा जम्मा गर्न लगाइने सचिव तामाङले बताए।
एमालेको महाधिवेशन आगामी मंसिर १०-१२ गते चितवनमा हुँदैछ।
पार्टीले स्वतः हुने प्रतिनिधिबाट ३ हजार रूपैयाँ र निर्वाचनबाट छनोट गरिने प्रतिनिधिबाट २ हजारका दरले महाधिवेशन शुल्क तोकेको छ।
ghanashyam 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया