बैतडी : दशरथचन्द नगरपालिका–४ कलुवाड मोडमा भएको जिप दुर्घटनामा मृत्यु हुनेको संख्या पाँच पुगेको छ। दशरथचन्द–२ देहिमाडौंबाट जन्ती बोकेर दशरथचन्द–६ सिमायलतर्फ जाँदै गरेको म १ ज ३१० नम्बरको जिप दशरथचन्द राजमार्गको गोठलापानी–झुलाघाट सडक खण्डमा आइतबार राति साढे ८ बजे दुर्घटनामा परेको हो। जिपमा रहेका सात जनामध्ये पाँचजनाको घटनास्थलमै मृत्यु भएको जिल्ला प्रहरी कार्यालय बैतडीका प्रवक्ता प्रहरी निरीक्षक दर्शन खड्काले जानकारी दिए। यस्तै, दुर्घटनामा परी दुई जना गम्भीर घाइते भएका छन्।
मृत्यु हुनेमा ४८ वर्षीय राजेन्द्रबहादुर चन्द, ३८ वर्षीय धनबहादुर चन्द, ६५ वर्षीय प्रेमबहादुर चन्द, ६५ वर्षीय तारासिंह थापा र ५८ वर्षीय खेमसिंह कार्की रहेका प्रहरी निरीक्षक खड्काले जनाकारी दिए। उनीहरु सबै दशरथचन्द–६ का हुन्।
दुर्घटनामा परेर दशरथचन्द–६ का ४८ वर्षीय हर्कबहादुर चन्द र जिप चालक डडेल्धुराका ४० वर्षीय दीपक माली गम्भीर घाइते भएका छन्। उनीहरुलाई थप उपचारका लागि डडेल्धुरा रेफर गरिएको छ। जिप सडकबाट करिब ७०० मिटर तल खसेको छ। दुर्घटनाको कारण भने खुल्न नसकेको जिल्ला प्रहरी कार्यालय बैतडीले जनाएको छ।
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया