प्रधानन्यायाधीशलाई महाअभियाेग लगाउन एमालेकाे सहयाेग चाहिएकाे छ : बार एसाेसिएशन

काठमाण्डाै – प्रधानन्यायाधीश चोलेन्द्रशम्शेर जबराको राजीनामा मागेर आन्दोलन गरिरहेको नेपाल बार एसोसिएशनको टोली एमालेका अध्यक्ष केपी शर्मा ओलीलाई भेट्न ओली निवास बाल्कोट पुगेको छ । 

प्रमुख प्रतिपक्ष दल एमाले अध्यक्ष ओलीलाई भेट्न बारका अध्यक्ष एवम् वरिष्ठ अधिवक्ता चण्डेश्वर श्रेष्ठको नेतृत्वमा कानुन व्यवसायी बालकोट पुगेका हुन् । उनीहरूले सर्वाेच्चमा देखिएका समस्या र आफूहरूको मागबारेमा अध्यक्ष ओलीलाई जानकारी गराएका छन् ।

भेटमा बारका अध्यक्ष चण्डेश्वर श्रेष्ठले महाअभियोगका बारेमा सत्तापक्ष दल सकारात्मक देखिएका भन्दै एमालेको सहयोग चाहिएको बताउनुभएको छ । 

यस्तै भेटमा वरिष्ठ अधिवक्ता शम्भु थापाले प्रधानन्यायाधीश जबरामाथि महाअभियोग लगाउन सहयोग गर्न अध्यक्ष ओलीसँग आग्रह गर्नुभएको छ ।

नेपाल बार एसोसिएशनसहित देशभरका कानुन व्यवसायीले प्रधानन्यायाधीश जबराको राजीनामा माग गर्दै सर्वोच्च अदालत परिसरमा धर्ना दिइरहेका छन् । 

रोचक

सबै

• 

  ” #मेरोभरौल” -कविता

  अशोज ७, २०७७

• 

  गर्लफ्रेन्ड भाडामा पाईने देश

  चैत्र ११, २०७६

थारु भाषाको “दिल जिगर तुहि धडकन” अडियो म्युजिक सार्वजनिक ।।

माघ १४, २०७६

राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…