२४ घण्टामा २ सय ५४ जनामा काेराेना पुष्टि, २ सय ३४ जना निकाे

काठमाण्डाै – पछिल्लो २४ घण्टामा नेपालमा दुई सय ५४ जनामा कोरोना भाइरसको सङ्क्रमण पुष्टि भएको छ । पीसीआर र एन्टिजेन गरी आठ हजार ६ सय ८२ जनाको नमुना परीक्षण गर्दा दुई दशमलव ९२ प्रतिशत अर्थात् दुई सय ५४ जनामा कोरोना भाइरसको सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।

याेसहित अहिलेसम्म पीसीआर विधिबाट गरिएकाे परीक्षणमा आठ लाख २४ हजार दुई सय २२ जनामा र एन्टिजेन विधिबाट गरिएकाे परीक्षणमा ९५ हजार सात सय ८२ जनामा सङ्क्रमण पुष्टि भएकाे छ । यस्तै पछिल्लो २४ घण्टामा दुई सय ३४ जना निको भएका छन् । योसहित नेपालमा कोरोना सङ्क्रमणमुक्त हुनेको सङ्ख्या आठ लाख ६ हजार सात सय ७८ पुगेको छ ।

यही अवधिमा एक जना काेराेना सङ्क्रमितकाे ज्यान गएकाे छ । याेसहित कोरोना भाइरसको सङ्क्रमणका कारण ज्यान गुमाउनेको सङ्ख्या ११ हजार पाँच सय ५४ पुगेको छ । अहिले नेपालमा पाँच हजार आठ सय ९० जना सक्रिय सङ्क्रमित रहेका स्वास्थ्य मन्त्रालयले जनाएकाे छ । यसैबीच पछिल्लो २४ घण्टामा ६९ हजार पाँच सय ८० जनाले कोरोनाविरुद्धको खोप लगाएका छन् ।

रोचक

सबै

• 

  ” #मेरोभरौल” -कविता

  अशोज ७, २०७७

• 

  गर्लफ्रेन्ड भाडामा पाईने देश

  चैत्र ११, २०७६

थारु भाषाको “दिल जिगर तुहि धडकन” अडियो म्युजिक सार्वजनिक ।।

माघ १४, २०७६

राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…