कोरोना भाइरस फैलिन नपाओस् भन्ने हेतुले पूर्ब सतर्कताका लागि नेपाल सरकारले भोलीदेखि एक सातासम्म भारत र चीन दुबै छिमेकी राष्ट्रहरुसँगको आबागमन बन्द गर्ने निर्णय लिएको छ । आज साँझ प्रधानमन्त्री निवास बालुवाटारमा बसेको मन्त्रीपरिषदको बैठकले यो निर्णय लिएको हो । यसै बीच भारतमा कोरोना भाइरस संक्रमितहरुको संख्या बढ्दै गएको छ र त्यो संख्या ३९१ पुगेको छ भने आज पटनामा भएको एक जनाको मृत्यु समेत भारतमा अहिलेसम्म ७ जनाको मृत्यु हुन पगुृेको छ ।
यता बीरगञ्जका कुवेतबाट फर्केका एकजना ब्यापारीलाई कोरोना संक्रमण भएकोले अहिले उनको उपचार भारतको पटनामा भइरहेको बताइएको छ । उनका परिवारलाई पनि होम क्वारेण्टाइनमा राखियएको बताइएको छ ।
केही दिन अघि कुबेतबाट फर्किए पछि उनलाई लगातार ज्वरो आउने र खोकी लाग्ने गरेको थियो । त्यसैले उनलाई कारोना भाइरस लागेको सन्देह गरिएको थियो । बीरगञ्जनका नुै अस्पतालले पनि उनला हेर्न अन्कनाएपछि उनलाई पटना लगिएको थियो । त्यहाको अस्पतालले कोरोना भाइरस पोजिटिभ भएको पुष्टी गरेको र उनको त्यही उपचार भइरहेको बताइएको छ ।
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया