साफ यु-१९ महिला च्याम्पियनसिप : भारतसँग पराजित हुँदै बाहिरियो नेपाल

एजेन्सी| – बंगलादेशको ढाकामा भइरहेको यु-१९ साफ च्याम्पियनसिप फुटबलमा नेपाल भारतसँग पराजित हुँदै प्रतियोगिताबाट बाहिरिएको छ।

नेपालले फाइनलमा पुग्न भारतसँग बराबरी खेल्दा पनि हुने भएपनि भारतसँग १-० ले पराजित भएपछि प्रतियोगिताको समूह चरणबाटै बाहिरिएको हो।

ढाकास्थित सहिद सिपाही मुस्तफा कमल स्टेडियममा आइतबार भएको खेलमा भारतको जितमा ६७ औं मिनेटमा प्रियंका देवीले गरेको एकमात्र गोल नै निर्णायक बन्यो।

५ टोलीको सहभागिता रहेको च्याम्पियनसिपमा नेपालले २ जित, एक बराबरी र एक हारको नतिजा निकाल्दै लिगमा तेस्रो भएको थियो।

नेपालले ४ खेलबाट ७ अंक जोड्यो। बंगलादेशसँग गोलरहित बराबरी खेल्दै च्याम्पियनसिपको सुरुवात गरेको नेपालले दोस्रो खेलमा श्रीलंकालाई ६-० र तेस्रो खेलमा भुटानलाई ४-० ले हराएको थियो।

भारतले भने ३ जित निकाल्दै फाइनलमा स्थान बनायो।

भारतसँग नेपालको हारसँगै घरेलु टोली बंगलादेशले फाइनलमा स्थान पक्का गरेको छ।

अब बंगलादेशले अन्तिम खेलमा श्रीलंकाको सामना गर्ने छ। लिग चरणमा भारत र बंगलादेशले खेल्दा घरेलु टोलीले १-० को जित निकालेको थियो।

रोचक

सबै

• 

  ” #मेरोभरौल” -कविता

  अशोज ७, २०७७

• 

  गर्लफ्रेन्ड भाडामा पाईने देश

  चैत्र ११, २०७६

थारु भाषाको “दिल जिगर तुहि धडकन” अडियो म्युजिक सार्वजनिक ।।

माघ १४, २०७६

राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…