जुम्लामा सडक अतिक्रमण गरेर बनाइएका संरचना हटाउन अभियान

जुम्ला – जुम्लामा सडक अतिक्रमण गरेर बनाइएका संरचना हटाउन अभियान थालिएको छ । सुरक्षाकर्मीको बाक्लो उपस्थितिमा कर्णाली राजमार्गको जुम्ला खण्डमा सडक अतिक्रमण गरी बनाइएका घर, टहरा, पर्खाल, होटल लगायतका संरचना भत्काउन थालिएको छ ।

डिभिजन सड्क कार्यालय जुम्लाले एक महिना पहिलेदेखि थालेको सडक सुरक्षा अभियान अन्तर्गत जुम्लामा, सडक डिभिजन, प्रहरी प्रशासन, चन्दननाथ नगरपालिका र नागरिक समाज जुटेर बल्ल अतिक्रमण हटाउन थालेका हुन् ।  नागरिक समाजका अध्यक्ष राजबहादुर महतका अनुसार जुम्लामा बाक्लो सुरक्षाकर्मी परिचालन गरेर सडक अतिक्रमण हटाउने परिणाममुखी काम शुरु भएको छ  । वर्षौं पहिलेदेखि नागरिक समाजको अगुवाइमा सडक अतिक्रमण हटाउने अनेक प्रयास गरे   पनि सफल नभएको तर अहिले आएर राम्रो काम भएको उहाँले बताउनुभयो ।  

सडक डिभिजन जुम्लाका प्रमुख राजिव श्रेष्ठले पहिलो चरणमा बसपार्क क्षेत्रको निर्माण सामाग्री हटाएको र नापी गरी सकेपछि सडक अतिक्रमण गरी बनाएका थप संचरना भत्काउने तयारी रहेको बताउनुभयो । नगरपालिकाको मापदण्ड अनुसार सडक १५ मिटर चौडा हुनु पर्ने व्यवस्था छ । त्यसमा एक मिटर फुटपाथका लागि छुटाइएको थियो । पछिल्लो समय फुटपाथ समेत अतिक्रमण गरेर घर टहरा, होटल बनेका छन् ।

अटेरी गरे एकहप्ता भित्रै डोजर प्रयोग गरेर संरचना भत्काइने सडक डिभिजन जुम्लाका प्रमुख श्रेष्ठको भनाइ छ । जुम्ला बजार मात्रै नभइ तातोपानी, लिताकोट, कुडारी, त्रिवेणी, रारालिहीमा पनि अतिक्रमण बढेकोले हटाउने अभियान गाउँ सम्म पुर्‍याइने सडक डिभिजनले जनाएको छ । 

रोचक

सबै

• 

  ” #मेरोभरौल” -कविता

  अशोज ७, २०७७

• 

  गर्लफ्रेन्ड भाडामा पाईने देश

  चैत्र ११, २०७६

थारु भाषाको “दिल जिगर तुहि धडकन” अडियो म्युजिक सार्वजनिक ।।

माघ १४, २०७६

राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…