सर्लाहीमा उखुबारीभित्र महिलाको शव फेला

सर्लाही : सर्लाहीको बरहथवा नगरपालिका–१० श्रीपुर कटानीमा आज (शुक्रबार) उखुबारीभित्र शंकास्पद अवस्थामा एक महिलाको शव फेला परेको छ। सो वडाका सुरत रामकी पत्नी अन्दाजी ३२ वर्षकी सावित्रीदेवी राम कटानीस्थित बरहथवा नगरपालिका–७ बस्ने रामछबिला साहको उखुबारीमा मृत फेला परेको सर्लाही प्रहरीका प्रवक्ता डिएसपी माधवप्रसाद बुढाथोकीले जानकारी दिए।

उनले घटना शंकास्पद देखिएकाले अनुसन्धान अघि बढाइएको बताए। मृतक महिलाको शरीरका विभिन्न भाग जलेको अवस्थामा पाइएको प्रत्यक्षदर्शीले बताएका छन्।

यस्तै, मृतक महिलाको शरीरमा कुनै कपडासमेत नरहेको घटनास्थलमा पुगेका बरहथवा नगरपालिका वडा १० का कार्यवाहक अध्यक्ष रामदिनेश महतोले जानकारी दिए। मृतक महिलाको शव पोष्टमार्टमका लागि दिउँसो जिल्ला अस्पताल मलंगवा लगिएको छ।

आज बिहान उखुबारीभित्र महिलाको शव देखेपछि स्थानीयवासीले प्रहरीमा खबर गरेका थिए। परिवारका अनुसार मृतक महिला अंग्रेजी नयाँ वर्षको दिन (पुस १७ गते) शनिबारदेखि नै घरबाट बेपत्ता भएकी थिइन्। मृतक महिलाका पति सुरत राम हाल वैदेशिक रोजगारीको शिलशिलामा कतारमा रहेको बुझिएको छ।

रोचक

सबै

• 

  ” #मेरोभरौल” -कविता

  अशोज ७, २०७७

• 

  गर्लफ्रेन्ड भाडामा पाईने देश

  चैत्र ११, २०७६

थारु भाषाको “दिल जिगर तुहि धडकन” अडियो म्युजिक सार्वजनिक ।।

माघ १४, २०७६

राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…