स्थानीय चुनावसम्बन्धी विषयले अदालतमा प्रवेश पायाे, रिट दर्ता गर्न सर्वोच्चकाे आदेश

काठमाडाैं : महोत्तरीको भंगाहा नगरपालिका प्रमुख सञ्जीवकुमार साहले  आगामी वैशाख ३० मा स्थानीय निर्वाचन गर्दा आफ्नो ५ वर्षे कार्यकाल पूरा नहुने भन्दै दिएको रिट दर्ता गर्न सर्वोच्च अदालतले आदेश दिएको छ।

न्यायाधीश ईश्वर खतिवडाको एकल इजलासले दरपीठको निर्णय बदर गरी रिट दर्ता गर्न बुधबार आदेश दिएको हो। यसअघि गत बुधबार सर्वोच्चका रजिस्ट्रार नारायणप्रसाद पन्थीले स्थानीय तह निर्वाचनसम्बन्धी ऐनको व्यवस्था देखाउँदै उक्त रिट दरपीठ गरिदिएका थिए। रिट दर्ता गर्न आदेश दिएसँगै स्थानीय तहकाे चुनावसम्बन्धी विषय अदालतमा पुगेको छ।

रजिष्ट्रार पन्थीले निर्वाचन गर्नेगरी भएको निर्णयले निवेदक नगर प्रमुखको ५ वर्षको कार्यकाल घटाउने प्रबल सम्भावना रहेको भनिएकाेमा सर्वोच्च अदालत नियमावली, २०७४ को नियम १८ समेतका आधारमा रिट दर्ता गर्न नमिल्ने कारण खुलाएका थिए।

‘स्थानीय तह निर्वाचन ऐन, २०७३ दफा ४(४) मा उपदफा २ बमोजिम अलग–अलग मितिमा सम्पन्न भएको निर्वाचन उपदफा (१) बमोजिम तोकिएको मितिमा सम्पन्न भएको मानिने छ भन्ने प्रावधान रहेको,’ कुरा पनि आदेशमा उल्लेख थियो।

संविधानमा स्थानीय तहका जनप्रतिनिधिको कार्यकाल ५ वर्ष हुने व्यवस्था छ। अघिल्लाे पटक स्थानीय तहकाे निर्वाचन तीन चरणमा भएकाे थियाे। मधेश प्रदेशका जिल्लामा असाेज २ गते निर्वाचन भएकाे थियाे।

रोचक

सबै

• 

  ” #मेरोभरौल” -कविता

  अशोज ७, २०७७

• 

  गर्लफ्रेन्ड भाडामा पाईने देश

  चैत्र ११, २०७६

थारु भाषाको “दिल जिगर तुहि धडकन” अडियो म्युजिक सार्वजनिक ।।

माघ १४, २०७६

राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…