काठमाडौं । न्यूयोर्कमा कोरोना भाइरस (कोभिड १९ )बाट मृत्यु हुनेको संख्या झण्डै ११ हजार पुगेको छ । त्यहाँ सबैभन्दा धेरै संक्रमित र मृत्यु हुनेको संख्या अमेरिकाकै धेरै हो ।
शवदाह गर्न पालोमा राख्नुपर्ने अवस्था भएपछि मृत्यु हुनेको शव लाइनमा राखिएको छ । न्यूयोर्क सिटीका अधिकारीहरुले तत्कालका लागि सार्वजनिक स्थानहरुमा शव राख्ने ठाउँ बनाउने बताएका छन् ।
सिटीका मेयर बिल दे ब्लाजियोले सिटीस्थित अस्पतालहरुका शवगृह भरिएका कारण अब सार्वजनिक ठाउँमा शव राख्ने बताएका न्यूयोर्क टाइम्सले जनाएको छ । टाइम्ससँग उनले भनेका छन्, ‘हामी अत्यन्तै प्रतिकूल अवस्थामा छौँ । अझै समस्या थपिदै गएको छ ।
हामीसँग ठूलो मात्रामा शवगृह उपलब्ध छन् । त्यसले धान्ने अवस्था छैन । हामी मृतकका परिवारसँग मिलेर नयाँ विकल्पका विषयमा सोच्दैछौं ।’ सिटी काउन्सिल हेल्थ कमिसनका प्रमुख मार्क डि लेभिनले सार्वजनिक पार्कहरुमा अल्पकालीन शवगृह बनाउने बताएका छन् ।
मेयर ब्लाजियोले भने पार्कमा शवगृह बनाउने कुरा अस्वीकार गरेका छन् । मेयर ब्लाजियोले सिटीले ब्रोङ्स स्थित हार्ट आइल्याण्डमा शव राख्ने व्यवस्था मिलाउने संकेत गरेका छन् । न्यूयोर्कमा झन्डै १ लाख संक्रमित र चार हजार जनाले ज्यान गुमाएका छन् ।-एजेन्सी
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया