महानगर र उपमहानगरको सिट भागबण्डा गर्न सत्ता गठबन्धनको बैठक बस्दै

काठमाडौं : महानगरपालिका र उपमहानगरपालिकाका उम्मेदवारको टुंगो लगाउन सत्ता गठबन्धनको बैठक आज बस्दै छ। बैठक बिहान ९ बजे प्रधानमन्त्री शेरबहादुर देउवाको सरकारी निवास बालुवाटारमा बस्न लागेको प्रधानमन्त्रीको सचिवालयले जनाएको छ। 

स्थानीय निर्वाचन आउन २५ दिन बाँकी छ। निर्वाचन आयोगले वैशाख ११ र १२ गते मनोनयनका लागि छुट्याएको छ। मनोनयन दर्ता गर्न ६ दिनमात्र बाँकी रहँदा सत्ता गठबन्धनले महानगरपालिका र उपमहानगरपालिका सहितका स्थानीय तहमा उम्मेदवारको टुंगो लगाउन सकेको छैन्। उसले सिटमा भागबण्डा पनि गर्न सकेको छैन्। 

गठबन्धन दलको बैठकको निर्णय अनुसार महानगर र उपमहानगरका उम्मेदवार टुंगो लगाउने जिम्मा केन्द्रलाई दिएको छ। गठबन्धन दलमा सीट बाँडफाँटमा अझै कुरा मिलेको छैन।  नेकपा माओवादी केन्द्रले एक महानगर र चार उपमहानगरपालिकामा दाबी गरेको छ। एकीकृत समाजवादीले एक महानगर र तीन उपमहानगरमा दाबी गरिरहेको छ।

यस्तै जनता समाजवादी पार्टीले पनि एक महानगर र दुई उपमहानगरमा दाबेदारी प्रस्तुत गरिरहेको छ। भागबण्डा नमिले आफू गठबन्धनबाट बाहिरिने एकीकृत समाजदीले चेतावनी दिएको छ। यस्तै माओवादी केन्द्रले आफूले भरतपुर महानगर पाउनुपर्ने दाबी गर्दै आएको छ।

६ वटा महानगरपालिका र ११ वटा उपमहानगरका उम्मेदवार सहमतीमा टुंगो लगाउने गरी सत्ता गठबन्धनको बैठक बोलाइएको नेपाली कांग्रेसका प्रवक्ता डाक्टर प्रकाशशरण महतले जानकारी दिए। सहमती नभए मित्रवत प्रतिस्पर्धामा जाने उनको भनाइ छ।

रोचक

सबै

• 

  ” #मेरोभरौल” -कविता

  अशोज ७, २०७७

• 

  गर्लफ्रेन्ड भाडामा पाईने देश

  चैत्र ११, २०७६

थारु भाषाको “दिल जिगर तुहि धडकन” अडियो म्युजिक सार्वजनिक ।।

माघ १४, २०७६

राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…