कोलकातासँग मुम्बईको लज्जास्पद हार

काठमाडौं : इण्डियन प्रिमियर लिग आइपिएल क्रिकेटमा गएराति कोलकाता नाइट राइडर्सले मुम्बई इण्डियन्सलाई ५२ रनले पराजित गरेको छ। पाँच पटकको विजेता मुम्बईले यो सिजनमा खराब प्रदर्शन गरिरहेको छ। ​

डिवाइ पाट्ली स्पोर्टस् एकेडेमी मुम्बइमा कोलकाताले दिएको १ सय ६६ रनको लक्ष्य पछ्याएको घरेलु टोली मुम्बइ १७ दशमलब ३ ओभरमा १ सय १३ रनमै समेटियो। उसका लागिइशन किसानले सर्वाधिक ५१ रनको योगदान गरे। 

केइरोन पोलार्डले १५, टिम डेभिडले १३ र रामदीप सिंहले १२ रन जोड्नुबाहेक अरु खेलाडीले दोहोरो अंकको रन जोड्न सकेनन्। मुम्बइलाई सस्तैमा समेट्न कोलकाताका प्याट कमिन्सले ३, आन्द्रे रस्सेलले २ तथा सुनिल नराइन र टिम साउदीले एक एक विकेट लिए। 

यसअघि टस हारेर पहिला ब्याटिङ गरेको कोलकाताले निर्धारित २० ओभरमा ९ विकेट गुमाएर १ सय ६५ रन बनाएको थियो। उसका वैंकटेश आयर र नितिश रानाले ४३–४३ रन जोडे भने अजिन्क्या रहानेले २५ रन बनाए। रिंकु् सिंह २३ रनमाअविजित रहे। मुम्बइका जस्प्रित बुम्राहले ५ विकेट लिए। 

एघार खेलमा २ खेल मात्रै जितेको मुम्बइ तालिकाको पुच्छारमा यथावत छ । कोलकाता भने ५ खेल जितेर १० अंकसहित तालिकाको सातौं स्थानमा रहेको छ। 

रोचक

सबै

• 

  ” #मेरोभरौल” -कविता

  अशोज ७, २०७७

• 

  गर्लफ्रेन्ड भाडामा पाईने देश

  चैत्र ११, २०७६

थारु भाषाको “दिल जिगर तुहि धडकन” अडियो म्युजिक सार्वजनिक ।।

माघ १४, २०७६

राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…