निजगढ विमानस्थल रोक्नुपर्ने कारण छैन, प्रक्रिया पुर्‍याएर काम अघि बढाउनू : समिति

काठमाण्डाै – प्रतिनिधि सभाको अन्तर्राष्ट्रिय सम्बन्ध समितिले कानुनी प्रक्रिया पुर्‍याएर निजगढ अन्तर्राष्ट्रिय विमानस्थलको निर्माण कार्य अघि बढाउन सरकारलाई निर्देशन दिएको छ ।

आज साेमवार समितिको सभा हल सिंहदरबारमा बसेको बैठकले निजगढ अन्तर्राष्ट्रिय विमानस्थलको निर्माण रोक्नुपर्ने कुनै कारण नभएकाले कानुनी प्रक्रिया पुर्‍याएर निर्माण गर्न सरकारलाई निर्देशन दिएको हो ।

सर्वोच्च अदालतको बृहत् पूर्ण इजलासले निजगढमा अन्तर्राष्ट्रिय विमानस्थल बनाउने गरी अहिलेसम्म भएका सबै निर्णय खारेज गर्दै विमानस्थल नबनाउन आदेश दिएको छ । तर आजको समितिको बैठकले नेपालको राष्ट्रिय हित अनुकूल अर्थतन्त्रलाई सुदृढ तुल्याउने उद्देश्यका साथ लामो समयको अध्ययन तथा धेरै ठूलो लगानीका साथ अघि बढाइएको राष्ट्रिय गौरवको आयोजना रोक्नुपर्ने कुनै कारण नदेखिने जनाएको छ ।

यस्तै निजगढ अन्तर्राष्ट्रिय विमानस्थल निर्माणका लागि अर्बाैँ रुपैयाँ खर्च भइसकेकाले बाह्य र आन्तरिक ऋणको बोझ बोक्दै कठिन अवस्थामा रहेको नेपालको अर्थतन्त्रलाई थप समस्यामा पार्न नदिन पनि विमानस्थल निर्माण गर्नुपर्ने समितिले जनाएको छ । राष्ट्रिय हित, सुरक्षा, र आर्थिक विकासका दृष्टिकोणबाट अत्यावश्यक रहेको निर्माणाधीन निजगढ अन्तर्राष्ट्रिय विमानस्थलको निर्माण कार्यलाई शीघ्र अघि बढाउन आवश्यक कानुनी, प्रशासनिक र व्यावहारिक कार्य गर्न समितिले सरकारलाई निर्देशन दिएको छ । 

रोचक

सबै

• 

  ” #मेरोभरौल” -कविता

  अशोज ७, २०७७

• 

  गर्लफ्रेन्ड भाडामा पाईने देश

  चैत्र ११, २०७६

थारु भाषाको “दिल जिगर तुहि धडकन” अडियो म्युजिक सार्वजनिक ।।

माघ १४, २०७६

राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…