आईजीपी नियुक्तिविरुद्धको रिट : जेठ ३० को समयसीमा

काठमाडौं : प्रहरी महानिरीक्षक (आईजीपी) नियुक्तिविरुद्ध परेको रिटविरुद्ध जेठ ३० गते सुनुवाइ हुने भएको छ। सर्वोच्च अदालतले न्यायाधीशद्वय विश्वम्भरप्रसाद श्रेष्ठ र कुमार चुडालको संयुक्त इजलासले जेठ ३० गते समयसीमा ताेकेकाे हाे। 

सर्वाेच्चकाे आदेशमा भनिएको छ, ‘मुलुकी देवानी कार्यविधि संहिता, २०७४ को दफा १०५ बमोजिम प्रहरी प्रधान कार्यालय, नक्सालको सहयोग लिई उपलब्ध हुन सके इमेल वा फ्याक्स वा अन्य विद्युतीय साधनबाट आजको मितिले ७ (सात) दिनभित्र म्याद तामेल गरी गराई थम्ने थमाउने म्याद नपाउने गरी ३ दिनभित्र लिखित जवाफ पेश गर्न लगाई मिति २०७९।०२।३० गते पेशी तोकी नियमानुसार पेश गर्नू।’ 

न्यायाधीश सुष्मालता माथेमाको एकल इजलासले गत वैशाख २२ गतेको मुद्दाको अन्तिम सुनुवाइ आजबाट हुने आदेश दिएको थियो। उक्त इजलासले सरकारका तर्फबाट अन्तिम सुनुवाइका लागि लिखित जवाफ माग गर्दै अन्तरिम आदेश दिन अस्वीकार गरेको थियो।

आदेशमा तोकिएको दिनमा नै अन्तिम सुनुवाइ गर्ने र मिति सार्न नपाइने उल्लेख थियो। सरकारले आईजीपी​मा धीरजप्रताप सिंहलाई बढुवा गरेपछि एआईजी विश्वराज पोखरेलले बढुवाका लागि आफू योग्य भएको तर सरकारले तेस्रो वरीयताका व्यक्तिलाई बढुवा गरेको भन्दै सर्वोच्च अदालतमा रिट दायर गरेका थिए।

रोचक

सबै

• 

  ” #मेरोभरौल” -कविता

  अशोज ७, २०७७

• 

  गर्लफ्रेन्ड भाडामा पाईने देश

  चैत्र ११, २०७६

थारु भाषाको “दिल जिगर तुहि धडकन” अडियो म्युजिक सार्वजनिक ।।

माघ १४, २०७६

राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…