माधव बेल्वासे
कपिलवस्तु चन्द्रौटा,४ वैशाख
कपिलवस्तुको कृष्णनगर नगरपालिका वडा न.८ का ७५ वर्षीय मतिउल्ला मुसलमान लाई नगरपालिकाले घरमै आएर वृद्धाभत्ता दिएपछि खुसि हुनुहुन्छ । सधै वृद्धा भत्ता लिन केहि समय लगाएर अर्का टोलमा जानुपर्ने भएपनि यसपटक आफ्नै घरमा आएर रकम दिएको उहाँले बताउनुभयो । लकडाउन भएपछी स्थानिय तहले सामाजिक सुरक्षा भत्ता घरघर पुगेर वितरण गरेका छन् । बैकिङ्ग प्रणाली लागू नगरेका स्थानिय तहले अहिले घरघरमा पुगेर भत्ता बितरण गरेका हुन् । कपिलवस्तुको बिजनयगर गाउँपालिका र कृष्णनगर नगरपालिकाले दोस्रो चौमासिकको सामाजिक सुरक्षा भत्ता घरघरमा पुगेर वितरण गरिसकेका छन् ।
कृष्णनगर नगरपालिकाले ४ हजार ८ सय ९० जनालाई भत्ता वितरण गरेको छ । नगरमा रहेका १२ वडा मध्ये एउटा वडा मात्र वाकि रहेकोले बिहीवार सम्म सबैलाई वितरण गरिने नगरपालिकाका सुचना अधिकारी साकिर अहमद शाहले बताउनुभयो । दोस्रो चौमासिक अन्र्तगत घरघरमा पुगेर ४ करोड २३ लाख ९१ हजार ७ सय रुपैयाँ बितरण भएको शाहले बताउनुभयो ।
संकटको बेलामा सरकारले प्रदान गर्ने भत्ता वितरण गरेपछी नागरिकहरुको जिविको पार्जनमा केहि सहजता भएको नगप्रमुख रजत प्रताप शाहले बताउनुभयो । ‘घरघरमा पुगेर कर्मचारीहरुले सुरक्षीत तवरवाट वितरण गर्नुभएको छ’ शाहले भन्नुभयो, ‘यो विपतको घडिमा सरकारले प्रदान गर्ने सेवा रोक्नु हुन्न, ।’
वडा अध्यक्ष र वडा सचिवलाई घरघरमा गएर सामाजिक सुरक्षा भत्ता वितरण गर्ने जिम्मा दिएको शाहले बताउनुभयो । भिडभाड नगरि शान्त तवरवाट वितरण भएको उहाँले दावी गर्नुभयो । त्यस्तै लकडाउनलाई मध्यनजर गर्दै विपन्न परिवारलाई प्राथमिकता दिएर सामाजिक सुरक्षा भत्ता वितरण गरिएको बिजयनगर गाउँपालिका अध्यक्ष गोपाल थापाले बताउनुभयो । गाउँपालिकामा रहेका ७ वटै वडाका सामाजिक सुरक्षा भत्ता पाउने नागरिकहरुलाई २ करोड ५६ लाख रुपैयाँ वितरण गरिएको उहाँले बताउनुभयो । सामाजिक दुरी कायम गरी घरघरमा पुगेर उनीहरुकै हातमा उक्त रकम प्रदान गरिएको थापाले बताउनुभयो ।
यता शिवराज नगरपालिकाले भने बैकिङ्ग प्रणाली वाटै सामाजिक सुरक्षा भत्ता वितरण गर्ने भएको छ । वडा सदस्यहरुवाट विपन्न परिवारको नामावली लिएर उनीहरुलाई दैनिक २५ जना भन्दा कमलाई बैकमा उपस्थित गराई वितरण गर्ने योजना बनाएको छ । विपन्न नागरिकहरुलाई सुरुमा प्रदान गरिने शिवराज नगरपालिका वडा न ३ का अध्यक्ष टेकलाल सापकोटाले बताउनुभयो ।
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया