पोखरामा भोलि राष्ट्रिय साइक्लिङ प्रतियोगिता

पर्वत : कास्कीको पोखरामा शनिबार राष्ट्रिय साइक्लिङ प्रतियोगिता हुने भएको छ।

पोखरा महानगरपालिका खेलकुद विकास समितिको आयोजना तथा साइक्लिङ संघ कास्की र साइकल सिटी पोखराको सह आयोजनामा प्रतियोगिता हुन लागेको हो। समितिका सदस्यसचिव सुवास सड्काले महिला र पुरुष गरी दुई विधामा प्रतियोगिता हुने बताए। 

बिहान ७ बजे पोखरा महानगरपालिका–१६ स्थित काली खोलाको पुलबाट सुरु हुने प्रतियोगिता र्‍यालेचौर, मौजा, आँटी घर, अर्मलाअर्मल, ढिकी डाँडालगायत ठाउँ हुँदै काली खोलाको पुलमै आएर टुंगिनेछ। प्रतियोगिता ४५ किलोमिटर दूरीको हुने समितिले जनाएको छ। 

प्रतियोगितामा प्रथम, द्वितीय र तृतीय हुनेले क्रमशः ३०, २० र १० हजार रुपैयाँ पुरस्कार, मेडल र प्रमाणपत्र पाउने छन्। सहभागी सबैलाई मेडल र प्रमाणपत्र दिइने छ। 

खेलकुद विकास समिति अध्यक्ष दीपक गोदारले पछिल्लो समय धेरैको रुचि बढेकाले प्रतियोगिताले साइक्लिङलाई खेलकै रूपमा विकास गर्न थप सहयोग पुग्ने विश्वास व्यक्त गरे। आगामी वर्षमा विदेशी प्रतियोगीलाई पनि सहभागी गराउने गरी तयारी गर्ने उनले बताए।

रोचक

सबै

• 

  ” #मेरोभरौल” -कविता

  अशोज ७, २०७७

• 

  गर्लफ्रेन्ड भाडामा पाईने देश

  चैत्र ११, २०७६

थारु भाषाको “दिल जिगर तुहि धडकन” अडियो म्युजिक सार्वजनिक ।।

माघ १४, २०७६

राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…