इंग्ल्याण्डसँगको टी–२० सिरिजमा भारतको कब्जा, रोहितको कीर्तिमान

टी २० सिरिजको दोस्रो खेलमा इंग्ल्याण्डलाई ४९ रनले पराजित गर्दै भारतले सिरिज एक खेल अगावै २–० ले कब्जा गरेको छ।

शनिबार राति भएको खेलमा टस हारेर पहिलो ब्याटिङ गरेको भारतले निर्धारित २० ओभरमा आठ विकेट गुमाएर १७० रनको स्कोर बनाएको थियो। जवाफमा इंग्ल्याण्ड १७ ओभरमा १२१ रनमा अलआउट भएको थियो।

भारतको जितमा रोहित शर्माले कप्तानको रूपमा कीर्तिमान बनाएका छन्। उनले टी–२० अन्तर्राष्ट्रियमा लगातार १४ खेलमा जित निकाल्दै कप्तानका रूपमा लगातार धेरै खेल जित्ने कीर्तिमान बनाए। तीनै फर्म्याटमा गरी रोहितिले अहिलेसम्म १९ खेलमा जित निकालेका छन्।

विराट कोहली पुनः एकपटक फ्लप भएको खेलमा भारतका लागि छैटौँ नम्बरमा ब्याटिङका लागि आएका रविन्द्र जडेजाले सर्वाधिक ४६ रनको नटआउट इनिङ खेले। २९ बलमा उनले पाँच चौका प्रहार गरे। त्यस्तै कप्तान रोहित शर्माले ३१ रन बनाउँदा ऋषभ पन्तले २६ रन बनाए। इंग्ल्याण्डका लागि क्रिस जोर्डनले चार विकेट लिँदा रिचार्ड ग्लेसनले तीन विकेट लिए।

१७१ रनको लक्ष्य पछ्याएको इंग्ल्याण्ड भारतीय बलर सामु खुलेर खेल्न असफल भयो। उसका लागि मोइन अलीको ३५ रन सर्वाधिक रह्यो। त्यस्तै डेभिड विलीले अविजित ३३ रन बनाए पनि टिमको हार टार्न सकेनन्। भारतका लागि भुवनेश्वर कुमारले तीन विकेट लिँदा जसप्रित बुमराह र युजेन्द्र चाहलले समान २–२ विकेट लिएका थिए। 

रोचक

सबै

• 

  ” #मेरोभरौल” -कविता

  अशोज ७, २०७७

• 

  गर्लफ्रेन्ड भाडामा पाईने देश

  चैत्र ११, २०७६

थारु भाषाको “दिल जिगर तुहि धडकन” अडियो म्युजिक सार्वजनिक ।।

माघ १४, २०७६

राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…