प्रदेश १ को राजधानी विराटनगरमा यति बेला लो-भोल्टेलले आक्रान्त छ। गर्मी अत्यधिक हुँदा भोल्टेज कम हुँदा पङ्खा नचल्ने, एसी नचल्ने समस्या त छँदै छ, त्यसमाथि उद्योग धन्दा नचल्दा उत्पादन ठप्प भएको र दैनिक करोडौँको घाटा व्यहोर्नु परेको उद्योगी बताउँछन्। ‘विराटनगरको टोटल बिजनेस कोरिडोर आक्रान्त बनेको छ,’ मोरङ व्यापार सङ्घका अध्यक्ष प्रकाश मुन्दडाले भने, ‘विद्युत् प्राधिकरणको निकृष्ट काम भएको छ, बिल पठाउने र पैसा उठाउने मात्रै काम विद्युत् प्राधिकरणले गरिरहेको छ।’ मुन्दडाले जेनेरेटरको भरमा धेरै समय उद्योग चल्न नसक्ने बताए। उनले कटहरी सब-स्टेसन सञ्चालन गर्न नसक्नुको पछाडिको कारण के हो भनी प्रश्न गरे। ‘अढाइकिलोमिटर समस्या भएको हामीले सुनेका छौँ,’ मुन्दडाले भने, ‘त्यो त प्रशासनसँगको सहमतिमा, वा विद्युत् प्राधिकरण आफैँले सुरक्षाको बन्दोबस्त गरेर सञ्चालन गर्नुपर्ने हो नि।’ उद्योगी व्यवसायीले उद्योगको ताला चाबी सरकारलाई बुझाउने बेला आएको बताए। औद्योगिक कोरिडोरमा दैनिक १ करोड बढीको नोक्सानी भइरहेको उनको दाबी छ। उद्योग सङ्गठन मोरङका अध्यक्ष भीम घिमिरेले लोडसेडिङ र ट्रिपिङको कारण उद्योगी-व्यवसायी आक्रान्त भएको बताए।
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया