भुटानसँग हार्‍यो नेपाल

काठमाडौं : एएफसी यू–२० एसियन कप छनोटको पहिलो खेलमा नेपाल भुटानसँग २–० गोलको पराजित भएको छ। 

बहराइनको  शेख अलि बिन मोहमद अल खालिफा स्टेडियममा शनिबार राति भएको खेलमा पहिलो खेलमै नेपाल पराजित हुन पुग्यो।  भुटानलाई जित दिलाउन सोनाम छोझाङ र कर्मा टासी जाम्त्सोले एक एक गोल गरे।

खेल अवधिभर नेपालले बलमा पकड जमाएको थियो। तर, गोल भने भुटानले गर्यो खेलको ३३ औं मिनेटमा सोनामले गोल गर्दै भुटानलाई सुरुआती अग्रता दिलाएका थिए। त्यसपछि खेलको ४७ औं मिनेटमा कर्मा टासीले गोल गर्दै भुटानलाई २–० को जित दिलाए।

यस जितसँगै भुटानले पहिलो खेलमा महत्वपूर्ण ३ अंक जोडेको छ। छनोटको समूह बी मा रहेको नेपालको समूहमा भुटानसँगै कतार, बहराइन र बंगालादेश छन्। अब नेपालले दोस्रो खेलमा सोमबार कतारसँग खेल्नेछ।

रोचक

सबै

• 

  ” #मेरोभरौल” -कविता

  अशोज ७, २०७७

• 

  गर्लफ्रेन्ड भाडामा पाईने देश

  चैत्र ११, २०७६

थारु भाषाको “दिल जिगर तुहि धडकन” अडियो म्युजिक सार्वजनिक ।।

माघ १४, २०७६

राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…