ghanashyam 
अस्ट्रेलियामा जारी टी–२० विश्वकप क्रिकेटको सुपर १२ मा पाकिस्तानमाथि भारतले ४ विकेटको रोमाञ्चक जित हात पारेको छ।
जितका लागि भारतलाई १ बलमा १ रन चाहिएको अवस्थामा दिनेश कार्तिक आउट भएलगत्तै ब्याटिङ गर्न आएका रविचन्द्रन आश्विनले भारतलाई जित दिलाए।
जितका लागि पाकिस्तानले दिएको १ सय ६० रनको लक्ष्य पछ्याएको भारतले निर्धारित २० ओभरमा ६ विकेट गुमाउँदै लक्ष्य पूरा गर्यो।
भारतका लागि विराट कोहलीले विस्फोटक ब्याटिङ गरे। ५३ बलको सामना गरेका उनले ६ चौका र ४ छक्काको मद्दतमा अविजित ८२ रन जोडे।
जितसँगै भारतले अघिल्लो विश्वकपमा पाकिस्तानसँगको हारको बदलासमेत लिएको छ। अघिल्लो विश्वकपमा पाकिस्तानले भारतलाई १० विकेटले हराएको थियो।
हार्दिक पाण्ड्या ४० रनमा क्याच आउट भए। ओपनिङमा आएका केएल राहुल र कप्तान रोहित शर्माले ४/४ रन बनाएर पेवेलियन फर्किए भने सूर्यकुमार यादव १५ रनमा आउट भए। अक्षर पटेल पनि सस्तैमा समेटिएका थिए। ३ बलको सामना गरेका उनले मात्र २ रन जोडे। दिनेश कार्तिक १ रन जोडेर आउट भए ।
त्यसअघि मेलबर्न क्रिकेट मैदानमा टस हारेर पहिले ब्याटिङ गरेको पाकिस्तानले निर्धारित २० ओभरमा ८ विकेट गुमाएर १ सय ५९ रन बनाएपछि भारतले जितका लागि १ सय ६० रनको लक्ष्य पाएको थियो।
पाकिस्तानको स्कोर सम्मानजनक बनाउन उसका दुई खेलाडीले अर्धशतक प्रहार गरे। सन मसुदले सर्वाधिक ५२ तथा इफ्तिखार अहमदले ५१ रनको योगदान गरे पनि अन्य खेलाडीले सम्झनलायक प्रदर्शन गर्न सकेनन्।
पाकिस्तानका ओपनर तथा कप्तान बाबर आजम शून्य रनमा आउट हुँदा मोहम्मद रिज्वान ४ रनमा पेवेलियन फर्किए। बलिङतर्फ भारतका अर्शदीप सिंह र हार्दिक पाण्ड्याले ३/३ विकेट हात पारे। भुवनेश्वर कुमार र मोहम्मद सामीले १/१ विकेट लिए।
पाकिस्तानमाथिको जितसँगै भारतले सेमिफाइनल खेल्ने सम्भावना बलियो बनाएको छ।
ghanashyam 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया