यू-२० महिला साफ : नेपालकोे पहिलो जितमा अमिषाको ३ गोल

एजेन्सी-बंगलादेशमा जारी यू-२० महिला साफ च्याम्पियनसिप फुटबलमा नेपालले पहिलो जित हासिल गरेको छ।

पहिलो खेलमा आयोजक बंगलादेशसँग ३–१ को हार बेहोरेको नेपालले आज भएको दोस्रो खेलमा भुटानलाई ४–० ले पराजित गरेको हो। नेपालको जितमा अमिषा कार्कीले ह्याट्रिक गर्दा कप्तान प्रिती राईले १ गोल गरिन्।

खेलको १९ औं मिनेटमा अमिषाले गोल गर्दै नेपाललाई शुरुआती अग्रता दिलाइन्। उनले ४६ औँ मिनेटमा व्यक्तिगत दोस्रो गोल गर्दै नेपाललाई २–० को अग्रता बनाइन्। कप्तान प्रिती राईले खेलको ६१ औं मिनेटमा गोल गर्दै नेपाललाई ३–० को अगाडि पारिन्। यसको १ मिनेटपछि नै अमिषाले व्यक्तिगत तेस्रो गोल गर्दै ह्याट्रिक पूरा गरिन्।

राउण्ड रोबिनको आधारमा हुने प्रतियोगिताको शीर्ष दुई टोलीले उपाधिका लागि प्रतिस्पर्धा गर्नेछन्। नेपालले अन्तिम खेल आगामी मंगलबार भारतसँग खेल्नेछ।

रोचक

सबै

• 

  ” #मेरोभरौल” -कविता

  अशोज ७, २०७७

• 

  गर्लफ्रेन्ड भाडामा पाईने देश

  चैत्र ११, २०७६

थारु भाषाको “दिल जिगर तुहि धडकन” अडियो म्युजिक सार्वजनिक ।।

माघ १४, २०७६

राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…