ghanashyam 
३ असोज, ललितपुर : तेस्रो पुष्पसदन कप काठमाडौं उपत्यकाव्यापी अन्तरविद्यालय बास्केटबल प्रतियोगितामा गर्ल्स (३×३) तर्फको सेमिफाइनल पुग्ने टोलीको टुङ्गो लागेको छ।
बुधबार कीर्तिपुरस्थित पुष्पसदन स्कुलको बास्केटबल कोर्टमा सम्पन्न खेलमा अंकका आधारमा शीर्ष ४ मा रहने टोली सेमिफाइनल पुगेका छन्।
२४ वटा टोलीबाट ब्राइट होराइजन स्कुल चन्द्रागिरी, राराहिल स्कुल कीर्तिपुर, सेन्ट मेरिज स्कुल ललितपुर र स्वर्णीम स्कुल काठमाडौंले सेमिफाइनलमा स्थान पक्का गरेका हुन्। अब आगामी आइतबार सेमिफाइनलका खेलहरु हुनेछन्।
पुष्पसदन बास्केटबलमा सिनियर ब्वाइज र जुनियर ब्वाइजतर्फका लिग चरणका अन्तिम खेलहरु बिहीबार हुँदै छन्। जुनियर ब्वाईजतर्फ रेडिएन्ट पब्लिक र आयोजक पुष्पसदन स्कुलबीच वर्षाका कारण रोकिएको खेल बिहीबार नै हुँदैछ। सुरुमा ८ गतेसम्म चल्ने भनिएको प्रतियोगिता ७ गते नै सम्पन्न गर्ने तयारी आयोजकले गरेको छ।
प्रतियोगितामा सिनियर ब्वाइजतर्फ १६, जुनियर ब्वाइजतर्फ ८ र गर्ल्स (३×३) तर्फ २४ टिम गरी २५ वटा विद्यालयको सहभागिता छ। प्रतियोगिता लिग कम नकआउटको आधारमा खेलाइएको छ।
प्रतियोगितामा प्रथम र द्वितीय हुनेलाई ट्रफी, मेडल र सर्टिफिकेट प्रदान गरिनेछ भने प्रतियोगिताका बेस्ट प्लेयर, इमर्जिङ प्लेयर र फेयर प्लेका लागि पनि विशेष पुरस्कार राखिएको छ।
ghanashyam 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया