ghanashyam 
काठमाडौँ : नेपाल हाप्किडो संघमा यनिप महर्जन अध्यक्ष निर्वाचित भएका छन्।
संघको छैठौँ अधिवेशनले उनलाई अध्यक्ष निर्वाचित गरेको हो। शनिवार ललितपुरस्थित महालक्ष्मी नगरपालिका-६ सिद्धिपुरमा भएको कार्यक्रममा उनको नेतृत्वमा १७ सदस्यीय पदाधिकारी चयन भएको हो।
वरिष्ठ उपाध्यक्षमा नरेन्द्र महर्जन, उपाध्यक्षमा सानुराजा बज्राचार्य, महासचिवमा मनोजकुमार महर्जन, सचिवमा महेशराज बज्राचार्य, कोषाध्यक्षमा नितिसा महर्जन रहेका छन्।
यस्तै सदस्यमा रामकुमार राजथला, लभेन्द्र नेमकुल, नरेश महर्जन, इन्द्र महर्जन, सुरेशचन्द ठकुरी, आशिष परियार, सुकुराम लामा, ममता महर्जन, मन्दिरा महर्जन, रुपा नेपाली, प्रदिप शाही रहेका छन्।
महालक्ष्मी नगरपालिकाका प्रमुख हरिगोविन्द श्रेष्ठको प्रमुख आतिथ्यतामा भएको कार्यक्रममा उपप्रमुख लक्ष्मी महर्जनलगायत अन्य विशिष्ट व्यक्तिहरूको उपस्थिति रहेको थियो।
अध्यक्षमा निर्वाचित भएपछि महर्जनले यो खेलको अझ प्रवर्द्धन गर्न आफूले महत्वपूर्ण भूमिका खेल्ने बताए। कोरियाली मार्शल आर्टअन्तर्गत पर्ने यो खेलमार्फत हरेक नेपालीको आकर्षण बढ्नेमा आफू विश्वस्त रहेको उनले बताए।
‘मसँग अति ऊर्जाशील समूह छ। हामी मिलेर यो खेललाई अझ आम जनसमुदायसम्म पुर्याउने हिसाबले काम गर्छौं’, उनले भने।
ghanashyam 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया