गण्डकी प्रदेश स्तरीय छेलो फाल्ने प्रतियोगिताको विजेता बने पर्वतका किरण

पर्वत : जिल्ला खेलकुद विकास समिति पर्वतको आयोजनामा भएको गण्डकी प्रदेश स्तरीय छेलो फाल्ने प्रतियोगिताका विजेता पर्वतका किरण सुनार बनेका छन्।

परम्परागत खेल संरक्षण अभियानअन्तर्गत प्रदेश खेलकुद परिषद् गण्डकीको सहयोगमा पर्वतको कुश्मा नगरपालिका–१२ स्थित ठूलीपोखरीमा आयोजित बाटुलेचौर तीज मेलाको अवसरमा प्रतियोगिता राखिएको थियो। जिल्ला खेलकुद विकास समिति पर्वतका अध्यक्ष हर्कमान गुरुङका अनुसार किरणले आफ्ना ३७ जना प्रतिस्पर्धीहरूलाई पछि पार्दै विजेता बनेका हुन्। उनले १६.६० मिटरको दूरी छेलो हुत्त्याउन सक्दा दोस्रो बनेका मिलन विकले १४.७५ मिटर र तेस्रो बनेका शुभाष क्षेत्रीले १४.७१ मिटर दूरीमा छेलो प्रहार फाले।

पहिलो स्थान प्राप्त गरेका किरणले नगद १० हजार, दोस्रो बनेका मिलनले सात हजार र तेस्रो बनेका शुभाषले पाँच हजार नगद सहित ट्रफी, मेडल र प्रमाणपत्र प्राप्त गरेका छन्।

प्रतियोगितामा विजयी खेलाडीहरूलाई गण्डकी प्रदेश सरकारका उद्योग तथा पर्यटन मन्त्री मित्रलाल बस्याल, प्रदेश खेलकुद परिषद् गण्डकीका महाशाखा प्रमुख रामप्रसाद आचार्य, परिषद्का सदस्य एवं परम्परागत खेलका संयोजक योगेन्द्र शेरचन, जिल्ला खेलकुद विकास समिति पर्वतका अध्यक्ष हर्कमान गुरुङ लगायतले नगद, मेडल तथा प्रमाणपत्र वितरण गरे।

रोचक

सबै

• 

  ” #मेरोभरौल” -कविता

  अशोज ७, २०७७

• 

  गर्लफ्रेन्ड भाडामा पाईने देश

  चैत्र ११, २०७६

थारु भाषाको “दिल जिगर तुहि धडकन” अडियो म्युजिक सार्वजनिक ।।

माघ १४, २०७६

राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…