ghanashyam 
घनश्याम भर
(विजयनगर) कपिलवस्तु, ९ असार ।
पुर्व-पश्चिम महेन्द्र राजमार्गसँग जोडिने महत्वपूर्ण सहायक सडक अन्तर्गत शिवराज नगरपालिका-२ हल्लानगर सुरही पुलदेखि विजयनगर गाउँपालिकाको मैनारी हुँदै झिंगाहासम्मको अधुरो सडक स्तरोन्नति हुने पक्का भएको छ ।
लामो समयदेखि स्तरोन्नतिको प्रतीक्षामा रहेको उक्त सडकका लागि बजेट व्यवस्थापन हुने भएपछि स्थानीयवासीमा खुशी छाएको छ । विजयनगर गाउँपालिका अध्यक्ष गोपाल बहादुर थापाको निरन्तर पहलपछि सडक स्तरोन्नतिको प्रक्रिया अघि बढेको छ ।
लुम्बिनी प्रदेशका मुख्यमन्त्री चेतनारायण आचार्यले गत वर्ष क्षेत्रीय अनुगमनका क्रममा उक्त सडकको अवस्था अवलोकन गर्दै आवश्यक बजेट विनियोजन गरिने प्रतिबद्धता व्यक्त गरेका थिए । सोही प्रतिबद्धता अनुसार सडक स्तरोन्नतिका लागि बहुवर्षीय बजेट सुनिश्चित भएको बताइएको छ । यसका लागि प्रदेशबाट १ कराेड रुपैयाँ विनियोजन गरिएको छ ।
सडक निर्माण तथा स्तरोन्नतिपछि विजयनगर गाउँपालिकाका बासिन्दालाई आवतजावतमा सहज हुने, कृषि उपज ढुवानीमा सुविधा पुग्ने तथा स्थानीय व्यापार-व्यवसायलाई समेत टेवा पुग्ने अपेक्षा गरिएको छ ।
गाउँपालिका अध्यक्ष थापाले सडक स्तरोन्नतिले क्षेत्रको विकास र जनजीवनमा सकारात्मक प्रभाव पार्ने विश्वास व्यक्त गर्दै प्रतिबद्धता पूरा गरेकोमा मुख्यमन्त्री आचार्यप्रति धन्यवाद ज्ञापन गरेका छन् ।
ghanashyam 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया