२६ मा १६ विदा,कसले खान्छ सीदा ?

चोरी निकासी नियन्त्रण गर्न सरकारले सशस्त्र प्रहरीको पहाडी जिल्ला कार्यालयहरुबाट संख्या घटाएर तराईमा तैनाथी बढाएको छ । तर राज्य र सशस्त्र प्रहरी संगठनको लक्ष्य र उध्देश्यलाई कपिलवस्तुको बोर्डर आउटपोष्ट (बिओपी) जवाबैराठका निरीक्षक पदम जेठाराले निमोठेको गुनासो  छ ।

२६ जना तैनाथ पोस्टबाट १६ लाई बिदा छाडेका उनले घर जानेको राशन रकम खाइदिएको खबर असार १४ गते जनआस्था डटकममा प्रकाशन भएको थियो । उनले विदा गएकालाई छिटो आइज,बाहिनीबाट निरीक्षण आउन लाग्यो भन्दै उर्दी जारी गरेको र प्रहरीहरुलाई ग्रुपमै गाली गलौज गरेको स्क्रिनसट समाचारमा समावेश थियो ।

समाचार प्रकाशित भएको भोलिपल्ट असार १५ गते मंगलबार  लुम्बिनी प्रदेश हेर्ने नम्बर ५ बिन्ध्यावासिनी वाहिनीका  डिआइजी दीपक अधिकारी जवाबैराठ पुगेका थिए ।

“बिदा छाड्ने,छिटो आइज भन्दै गाली गर्ने ?” शिर्षक उक्त समाचारको कतैबाट खण्डन आएको छैन । बिओपी प्रमुख जेठारालाई छानबिन र कारवाहीको दायरामा पनि ल्याइएको छैन । तालुकदार निकायहरु कपिलवस्तुको नम्बर २८ गण, बाहिनी र सशस्त्र प्रहरीको हलचोकस्थित मुख्यालयले प्रहरी कर्मचारीहरुको पेट मार्नेलाई कारवाही गर्नुको साटो उल्टै छानबिनको नाममा तल्लो तहका प्रहरीहरुलाई दु:ख दिन थालेको बताइन्छ ।

समाचार प्रकाशित भएको भोलिपल्ट असार १५ गते मंगलबार  लुम्बिनी प्रदेश हेर्ने नम्बर ५ बिन्ध्यावासिनी वाहिनीका  डिआइजी दीपक अधिकारी जवाबैराठ पुगेका थिए । उनले कर्मचारीहरुलाई संस्कार र संस्कृतिसंग जोडिएको चाड असारे पन्ध्रमा दही चिउरा खायौ खाएनौ भनेर सोधेनन् । निरीक्षक जेठारासंग एकछिन भलाकुसारी सकेर तल्लो तहका कर्मचारीहरुमाथि खनिए ।  डिआइजी फर्केको भोलिपल्टै असार १६ गते जसरी पनि समाचारको स्रोत पत्ता लगाउने भन्दै बाहिनीका एसपी नरेश भण्डारी जवाबैराठ पुगे ।

भण्डारीले प्रहरी कर्मचारीहरुको मोबाइल मात्रै नभई श्रीमतीसंग अन्तरंग जोडिएका व्यक्तिगत विवरणहरु पनि पनि हेर्न भ्याए । निरीक्षक जेठाराको ठाउँमा डिएसपीलाई बिओपी पठाउने तयारी भए पनि आज पानी परेकोले समाचार तयार पार्दासम्म बाहिनीमै रोकिएको स्रोतले जनाएको छ । साभार :जनआस्था

रोचक

सबै

• 

  ” #मेरोभरौल” -कविता

  अशोज ७, २०७७

• 

  गर्लफ्रेन्ड भाडामा पाईने देश

  चैत्र ११, २०७६

थारु भाषाको “दिल जिगर तुहि धडकन” अडियो म्युजिक सार्वजनिक ।।

माघ १४, २०७६

राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…