कपिलवस्तुमा मोटरसाइकलको सिटमुनी लुकाइएको साढे ५ लाख ४८ हजार रुपैयाँ फेला

कृष्णनगर, २१ असार ।

कपिलवस्तु प्रहरीले मोटरसाइकलको सिटमुनि लुकाएर राखिएको ५ लाख ४८ हजार ५ सय रुपैयाँ नगद बरामद गरेको छ । जिल्ला प्रहरी कार्यालय कपिलवस्तुले आइतबार दिउँसो करिब १२ बजे मायादेवी गाउँपालिका-२ अन्तर्गत पकडी-चाकरचौडा सडक खण्डमा चेकजाँचका क्रममा लु ३५ प ५१५१ नम्बरको मोटरसाइकल सहित स्राेत नखुलेकाे रकम बरामद गरेको हाे भने चालक मोटरसाइकल छाडेर फरार भएका छन् ।

इलाका प्रहरी कार्यालय पकडीबाट प्रहरी निरीक्षक गणेशप्रसाद जैशीको नेतृत्वमा खटिएको टोलीले शंकास्पद मोटरसाइकलको जाँच गर्दा सिटमुनि लुकाएर राखिएको अवस्थामा नेपाली रुपैयाँ ५ लाख ४८ हजार ५ सय फेला पारेको प्रहरीले जनाएको छ ।

प्रहरी नायव उपरीक्षक रिपेन्द्र कुमार सिंहका बरामद गरिएको नगद र मोटरसाइकललाई आवश्यक अनुसन्धान तथा कानुनी कारबाहीका लागि भन्सार कार्यालय, कपिलवस्तु पठाउने प्रक्रिया अघि बढाइएको छ ।

घटनाबारे थप अनुसन्धान भइरहेको प्रहरीले जानकारी दिएको छ ।

रोचक

सबै

• 

  ” #मेरोभरौल” -कविता

  अशोज ७, २०७७

• 

  गर्लफ्रेन्ड भाडामा पाईने देश

  चैत्र ११, २०७६

थारु भाषाको “दिल जिगर तुहि धडकन” अडियो म्युजिक सार्वजनिक ।।

माघ १४, २०७६

राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…