विजयनगरमा डेङ्गु तथा किटजन्य रोगहरु नियन्त्रण सम्बन्धी अन्तरक्रिया सम्पन्न

सुनिता थारु
विजयनगर, १८ मंसिर ।
कपिलवस्तुको विजयनगर गाउँपालिकामा डेङ्गु तथा किटजन्य रोगहरु नियन्त्रण सम्बन्धी सरोकारवाला निकायहरुसँग अन्तरक्रिया तथा अभिमुखीकरण सम्पन्न भएको छ । गाउँपालिकाको स्वास्थ्य शाखाको आयोजनामा पालिकाको सभाहल खडैचामा डेङ्गु तथा किटजन्य रोगहरु नियन्त्रण सम्बन्धी सरोकारवाला निकायहरुसँग अन्तरक्रिया तथा अभिमुखिकरण गरिएको हो ।

मंगलबार स्वास्थ्यकर्मी, महिला स्वास्थ्य स्वयंसेविका, प्रहरी, सञ्चारकर्मी लगायतको सरोकारवालासँग अन्तरक्रिया तथा अभिमुखीकरण गरिएको स्वास्थ्य शाखा प्रमुख यज्ञ प्रसाद अधिकारीले जानकारी दिए । उनले डेङ्गु तथा किटजन्य रोगहरु नियन्त्रण गर्नका लागि सरोकारवालालाई अभिमुखीकरण कार्यक्रम गरिएको बताए ।

कार्यक्रममा बोल्दै गाउँपालिका अध्यक्ष गोपाल बहादुर थापाले गाउँपालिकालाई पूर्ण सरसफाई उन्मुख बनाउन अभियानकै रुपमा लागेको बताएका छन् । उनले गाउँटोल सफा बनाउन आ–आफ्नो ठाउँबाट लाग्नुको साथै समुदायमा जनचेतना जगाउनु पर्नेमा जोड दिए । यसै क्रममा गाउँपालिकाले स्वास्थ्य बिमा बोर्डसँग बिमितलाई आधा रकम तिर्ने सम्झौता गरेको हुँदा सम्पूर्णलाई अनिवार्य रुपमा स्वास्थ्य बिमा गर्न अध्यक्ष थापाले अनुरोध समेत गरे ।

कार्यक्रमलाई अस्थायी प्रहरी पोष्ट खडैचाका प्रहरी सहायक निरिक्षक तोक बहादुर बस्नेत, रेडियो विजयनगरका स्टेशन प्रमुख राम प्रघट कोरी लगायतले सम्बोधन गरेका थिए । अन्तरक्रिया तथा अभिमुखिकरणलाई स्वास्थ्य चौकी गणेशपुरका प्रमुख गौतम रायले सहजीकरण गरेका थिए ।

रोचक

सबै

• 

  ” #मेरोभरौल” -कविता

  अशोज ७, २०७७

• 

  गर्लफ्रेन्ड भाडामा पाईने देश

  चैत्र ११, २०७६

थारु भाषाको “दिल जिगर तुहि धडकन” अडियो म्युजिक सार्वजनिक ।।

माघ १४, २०७६

राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…