कक्षा ११-१२ का लागि महानगरको छात्रवृत्ति परीक्षा दिँदै विद्यार्थी

काठमाडौँ : काठमाडौँ महानगरपालिकाले कक्षा ११ र १२ मा दिने छात्रवृत्तिका लागि परीक्षा जारी छ। बिहान ८ बजे शुरु भएको परीक्षा १० बजेसम्म जारी रहने महानगरपालिकाले जनाएको छ।

यो वर्ष छात्रवृत्तिका लागि १६ हजार १३७ विद्यार्थीले परीक्षा दिँदैछन्। महानगरले विगत तीन वर्षदेखि सञ्चालित छात्रवृत्ति कार्यक्रममार्फत आर्थिक रूपमा कमजोर तर शैक्षिक रूपमा सक्षम विद्यार्थीलाई अवसर प्रदान गर्दै आएको छ। निर्धारित समय असार २७ गतेसम्म १७ हजार ९२९ जनाले आवेदन परेकमा १६ हजार १३७ जना विद्यार्थी परीक्षाका लागि छनोट भएका महानगरपालिकाले जनाएको छ।

देशका ७७ जिल्लाकै विद्यार्थीले छात्रवृत्तिको लागि आवेशन दिएका छन्। महानगरको शिक्षा विभागका अनुसार छनोट भएका विद्यार्थीमा विज्ञान संकायका लागि ११ हजार ५९०, व्यवस्थापन संकायका लागि ४ हजार १६४, मानविकी संकायका लागि ३२ जना, शिक्षा संकायका लागि ९५ जना र कानुन संकायका लागि २५६ जनाले आज छात्रवृत्ति परीक्षा दिँदैछन्। परीक्षाको नतिजापछि महानगरले मेरिट सूचीका आधारमा छात्रवृत्ति प्रदान गर्नेछ।

महानगरको यो कार्यक्रमले आर्थिक रूपमा कमजोर तर मेधावी विद्यार्थीले आफूले रोजेको संस्थागत विद्यालयमा गुणस्तरीय शिक्षा प्राप्त गर्ने अवसर पाउनेछन्। थाहा खबर

रोचक

सबै

• 

  ” #मेरोभरौल” -कविता

  अशोज ७, २०७७

• 

  गर्लफ्रेन्ड भाडामा पाईने देश

  चैत्र ११, २०७६

थारु भाषाको “दिल जिगर तुहि धडकन” अडियो म्युजिक सार्वजनिक ।।

माघ १४, २०७६

राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…