ghanashyam 
विजयनगर, २५ असार ।
कपिलवस्तु प्रहरीले विजयनगर गाउँपालिका-६ प्रेमनगरस्थित भित्री सडक खण्डबाट ट्र्याक्टरमा लोड गरी ल्याइँदै गरेको अवैध काठ बरामद गरेको छ ।
जिल्ला प्रहरी कार्यालय कपिलवस्तुका अनुसार बिहीबार विशेष सूचनाका आधारमा खटिएको प्रहरी टोलीले शिवराज नगरपालिका-३ लालपुरका २४ वर्षीय इसरार खानले चलाएको लु ४ त ८५५३ नम्बरको ट्र्याक्टरबाट विभिन्न प्रजातिका काठ बरामद गरेको हो ।
प्रहरीले ट्र्याक्टरमा लोड गरिएको आँपको १ गोलिया, सिसौको ८ गोलिया, जामुनको ५ गोलिया र इपिलको २६ गोलिया गरी जम्मा ४० गोलिया (६८.३ क्यू फिट) काठ बरामद गरेको जनाएको छ। बरामद काठको अनुमानित मूल्य रु. ४८ हजार ७ सय तथा ट्र्याक्टरको मूल्य रु. ६ लाख गरी जम्मा रु. ६ लाख ४८ हजार ७ सय बराबरको रहेको प्रहरीले जनाएको छ ।
बरामद काठ, ट्र्याक्टर तथा चालकलाई आवश्यक कानुनी कारबाहीका लागि स-डिभिजन वन कार्यालय उज्ज्वलपुर कपिलवस्तु पठाइएको जिल्ला प्रहरी कार्यालय कपिलवस्तुले जनाएको छ ।
ghanashyam 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया